Borið í gám

Við lukum við að pakka í morgun og þegar það stytti upp í hádeginu bárum við allt dótið út á bílastæði í þeirri trú að ekki myndi rigna frekar í dag. Fengum Pólverjana af neðri hæðinni til að hjálpa okkur. Gámurinn kom klukkan 15:00 eins og um var samið. Þá voru líka komnir á staðinn íslendingar, Stefán og Oddný með dót fyrir vin sinn sem átti að fara með í gáminn.

Nú tók að þykkna í lofti, en með góðri hjálp Pólverjanna og Stefáns tókst þó að koma öllu þurru í gáminn, en skömmu síðan byrjaði enn að rigna eins og hellt væri úr fötu.

Nú er sitjum við tómri íbúðinni og eigum í raun bara eftir að þrífa og ganga frá. Eigum þó von á gestum á morgun.

Annars snúast fréttatímar hér núna um Hróarskelduhátíðina sem er að sökkva í vatn og drullu. M.a. er fjöldi bíla sokkinn í drullu á bílastæðunum og verður ekki haggað þaðan um sinn. Er Danni ekki annars að vinna sem bílastæðavörður á svæðinu? Það hlýtur að vera ánægjulegt starf þessa dagana!

Athugasemdir

[sigrstef (IP-tala skráð) 5.7.2007 kl. 12:23]

Nokkrar ungar stúlkur úr Mývatnssveit fóru á hátíðina - vonandi gaman hjá þeim.

Gangi ykkur vel við lokafráganginn og góða ferð.  Það hefur verið gaman að fylgjast með lífinu í Árósum, en það verður líka gott að fá ykkur heim aftur.