Ekkert lát á blíðunni

Það er ekkert lát á veðurblíðunni, logn, sólskin og hitinn fer í 30 gráður síðdegis. Engar líkur á það breytist fyrr en Kristín List stígur á danska grund, þá er spá að hitinn fali um 10 gráður, vindurinn gangi í norðanátt og það fari að rigna!

Við höfum notið blíðunnar með gestunum, í gær fórum við fyrst í hákarla- og sædýrasafnið í Grenå og flatmöguðum svo í sólinni og syntum í sjónum á frábærri baðströnd sunnan við bæinn langt fram á kvöld.

Ekki var dagurinn í dag síðri. Gunna fór í bæjarrölt með gestina fram yfir hádegi, en svo var ekið sem leið lá til Ry og upp á Himmelbjerget. Síðan drifum við okkur til Silkiborgar og lögðumst þar enn í sólbað á skemmtilegum baðstað við eitt af vötnunum í útjaðri borgarinnar. Slík var veðurblíðan að m.a.s. Gunna óð langt út í vatn! Gátum ekki slitið okkur af staðnum fyrr komið var langt fram á kvöld.

Athugasemdir

[Gerdur Janusdóttir (IP-tala skráð) 12.6.2007 kl. 18:03]

Sæl bæði. Það læðist að mér sá grunur að við höfum farið of snemma heim frá ykkur. Brakandi blíða í Kjarrheiðinni í gær  og í dag. Kveðja Gerður