Jólasveinninn er kominn

Jólasveinninn er kominn til Árósa. Hann kom siglandi á litlum báti frá Grænlandi og kom að landi klukkan 18:00 í kvöld. Síðan fór hann í mikilli skrúðgöngu um miðbæinn, meðal "göngufólks" voru álfar og tröll, lúðrasveitir, James Bond, slökkvibílar, lögregla og geit í bandi. Allt var það frekar skrautlegt, en ekki fannst mér það allt jólalegt. Kveikt var á hálfri milljón jólaljósa í göngugötunni og til að kóróna herlegheitin var flugeldasýning við dómkirkjuna af stærðargráðu sem íslenskar hjálparsveitir hefðu verið fullsæmdar af. Allar búðir eru svo opnar til klukkan 24:00 í kvöld.

Það er afskaplega gaman að upplifa svona aðra siði en heima. Þetta er svona eins og slegið hafi saman fyrsta sunnudegi í aðventu, þorláksmessu og gamlárskvöldi.

Athugasemdir

[valdimar (IP-tala skráð) 24.11.2006 kl. 21:43]

Er þá jólasveinninn inúíti?

[Sverrir Páll Erlendsson, 25.11.2006 kl. 13:21]

Þetta er áreiðanlega skemmtilega en þegar þetta læðist aftan að manni frá því í byrjun október. Samt finnst mér þetta og snemmt. Það mætti byrja smátt um mánaðamótin og stíga fram til jóla.

Annars minnir myndin mig á gamla netagerð þar sem síldarnæturnar héngu í loftinu svona til þerris meðan ekki var verið að reyna að ná síld með þeim.

[Brynja (IP-tala skráð) 27.11.2006 kl. 11:46]

Mér finnst jólin skemmtileg og ljósin eru mikilvæg í skammdeginu, er stolt af því að hneysksla Svía á því að vera búin að setja jólastjörnu í gluggann minn.  Gaman að heyra af þessum ágæta kokteil hátíða í lífi ykkar.