Fjölmenni á þjóðhátíð

Þótt fyrirsögnin hljómi eins og í Mogganum eftir verslunarmannahelgi, þá á þetta við um Bredkær Vænge þann 17. júní.

Hér komu sem sagt í gær Óskar, Helga og synirnir þrír akandi utan úr rigningunni í gær og fengu að tjalda sínu fellihýsi á bílastæðinu. Vakti það brambolt nokkra athygli nágrannanna, og gengu pólverjarnir af neðri hæðinni nokkra hringi í kringum landroverinn. Þykir hann líklega nokkuð tröllslegur fyrir danskar íbúðagötur.

Svo komu Árni, Kristín og Sveinn Áki úr ferð sinni til Skagen og komu sér fyrir í gestaherberginu.

Eftir kvöldmatar-kjúklingabringurnar förum við í langa gönguferð um Egå og komum m.a. við á hverfiskránni góðu við höfnina.

Nú bíðum við eftir því að Elísabeth birtist með lestinni frá Kaupmannahöfn. Þegar hún verður komin verður hér þjóðhátíðarkvöldverður með þessum stóra gestahópi.

Athugasemdir

[Sibba (IP-tala skráð) 18.6.2007 kl. 20:02]

Hæ, hæ.

Það er greinilega altaf nóg að gera hjá ykkur í gestamóttökunni :-) Enda hver að verða síðastur að heimsækja ykkur, ekki satt.

En ég hlakka til að bjóða ykkur í kaffi á Akureyri þegar sumri tekur að halla :-)

Knús Sibba