Enn ein kveðjustundin!

Enn vorum við að kveðja gesti. Guðjón, Brynhildur, Frímann og Ýmir farin með lestinni áleiðis til Köben eftir skemmtilega daga. Veðurguðirnir voru raunar ekki í sínu besta skapi, en við við létum það ekki trufla okkur. Þau fóru í Lególand, og svo fórum við víða um Árósa, skoðuðum menntaskóla og háskóla, bókasafn og margt fleira. Mikið etið og drukkið, spjallað og svolítið verslað. Í gær fórum við karlarnir fjórir í bíltúr til Horsens til þess að komast í almennilega sundlaug. Það er sem sagt um hálftíma keyrsla, en sundlaugin þar er bara þess virði, einkum ef maður er með börn.

Ef einhver Fimma félaga efast um að Guðjón hafi haldið sér í formi á meðan hann dvaldi hér er hinum sama bent á að skoða meðfylgjandi myndband.

Athugasemdir

[Guðjón H. Hauksson, 18.5.2007 kl. 08:19]

Þvílíkur yndisþokki, þvílíkur limaburður, þvílík mýkt! Mér dettur í hug texti sem ég les stundum fyrir yngri son minn: "Pabbi minn er stór eins og hús, er betri en allir hinir pabbarnir í kapphlaupi og er fimur eins og flóðhestur!" Ég er ótrúlega stoltur yfir því að eiga nú í fyrsta sinn mína sundskýlusenu á Netinu og finnst mér ég nú skrefinu nær að ná Hasselhoff að vinsældum og lífsgæðum.

 Við þökkum kærlega fyrir okkur. Það var dásamlegt að koma til ykkar loksins, kæru vinir, þótt stutt væri. Það hefði verið hægt að gera svo margt og svo mikið, en aðalatriðið var að hitta ykkur. Það verður gaman að fá ykkur heim.

[Hilde De Vaere (IP-tala skráð) 28.5.2007 kl. 12:44]

Guðjón skrifaði:"Ég er ótrúlega stoltur yfir því að eiga nú í fyrsta sinn mína sundskýlusenu á Netinu..... " 
So, thank you Jonas for setting in this videoclip, so that it can be seen in Bruges, Belgium! We have two swimming pools here, and a camera. So Guðjón,  come and show your skills here too! Hilde