Takk fyrir hjálpina!

Með þessari fallegu mynd frá Silkiborg má ég til með að þakka viðbrögðin við vandræðum mínum! Það er ekki amalegt að eiga vini þegar á reynir og ekki er nú verra að synirnir endurgjaldi áminningar síðustu áratuga!

Hér er annars allt með kyrrum kjörum, veðrið frekar leiðinlegt og ég sit þessa dagana ráðstefnu um tölvumál. Ég skil að vísu ekki enn nema að litlu leyti um hvað hún snýst, en vona að það skýrist innan skamms. Afskaplega skemmtilegur fyrirlestur í morgun um það tengja saman tölvur og mannslíkama til þess að skynja og bregðast við líkamlegu og andlegu ástandi mannsins. Eru menn jafnvel farnir að reyna að láta tölvurnar lesa hugsanir og bregðast við, t.d. í tölvuleikjum. Ég fór strax að velta fyrir mér notkunarmöguleikum í skólakerfinu! Þetta virkaði þó sem skemmtilegur brandari þar til það upplýstist að peningar til svona tilrauna fást helst frá ameríska hernum, þá fór smáhrollur um mig og fleiri.

Bjarni fer síðdegis í 4 daga samfélagsfræðivinnubúðir einhversstaðar sunnar á Jótlandi og við ætlum að nota tækifærið og skoða okkur svolítið um. Svo erum við að vinna að dagskrá fyrir næstu gestakomu...

Athugasemdir

[Helgi Jónasson (IP-tala skráð) 9.5.2007 kl. 14:23]

Ekkert að þakka, eins og þú sagðir þá stóð ég í skuld....

[Kristín List (IP-tala skráð) 9.5.2007 kl. 21:48]

Já nú líst mér vel á karlinn! Haltu endilega áfram að vinna að  dagskrá  fyrir komandi gesti og láttu námið ekki trufla þig alltof mikið við það.

Kveðjur, ein afar egósentrísk

[Óli Helgi (IP-tala skráð) 10.5.2007 kl. 22:22]

Sælinú.  Ég missti af erindinu þínu um skil á skýrslunni fyrir Multimediaproduktion.  Ertu dottinn í kæruleysi og vitleysu?  Það er fátt betra í svona rigningartíð en að sitja fyrir framan skjáinn og hamra á lyklaborðið, mér leiðist a.m.k. ekkert sérstaklega mikið.  Annars held ég að þetta hafi verið góð ákvörðun hjá þér, ég hefði sennilega gert það sama ef að ég hefði verið í þínum sporum.  Kveðja úr Tilst.