Holl og góð útivera

Það mega Danir eiga að þeir skipuleggja og merkja vel gönguleiðir um fjöll og fyrnindi. Hægt er að fá sérkort fyrir þá sem hafa áhuga á fuglaskoðun, þá sem vilja fylgjast með bændum við við vinnu, þá sem vilja hafa hunda sína með í för, og þannig mætti lengi telja.

Nú er boðuð í fjölmiðlum útgáfa á enn einu kortinu og sagt að markaðurinn sé mikill og margir bíði spenntir. Frumútgáfa fylgdi Ekstrablaðinu í dag og fylgir hún hér með. Það gleður okkur sérstaklega að margar fallegar leiðir í nágrenni Árósa munu verða á kortinu, til dæmis á Himmelbjerget og úti á Mols.

Eins og fram hefur komið erum við þegar búin að fara á Himmelbjerget akandi og gangandi...

Frekari upplýsingar er að finna í blaði dagsins http://ekstrabladet.dk/sex_og_samliv/article290810.ece

Athugasemdir

[Kristín List (IP-tala skráð) 20.4.2007 kl. 13:13]

Afar athyglisvert kort sem klárlega þarf að leggjast yfir áður en haldið er í hann! Það er spurning hvort þið passið ekki Svein Áka fyrir okkur einhvern daginn!

[Helga Þyri (IP-tala skráð) 20.4.2007 kl. 16:01]

Iss....mér finnst þetta lýsa örlítið hjálparleysi Baunans. Við Íslendingar þurfum ekkert svona kort, við hendum okkur bara á bakvið næsta rofabarð eða við einhverja lækjarsprænuna. Krossleggjum svo fingur og vonum að Ómar Ragnarsson sé ekki á ferðinni að mynda einhver náttúruspjöll (önnur).