Síðustu gestirnir

Nú er stutt eftir, en lengi er þó von á einum eins og þar segir. Haraldur og Rósa mættu hér í bröns í morgun. Gaman að fá svona Danmerkuráhugafólk heimsókn. Spjölluðum lengi og fórum svo í bíltúr um hverfið.

Annars fór dagurinn í síðustu verslunarferðina í bæinn og svolítið af þrifum. Gáfum vinum okkar, Pólverjunum dálítið af húsgögnum og svo ónýtt sjónvarpstæki sem þeir eru vissir um að þeir geti gert við og notað.

Fórum svo í kvöld á hverfiskrána okkar við smábátahöfnina og borðuðum þar kvöldverð og kvöddum starfsliðið. Gengum heim, og þótt þetta sé aðeins 10 mínútna gangur urðum við holdvot, því nú rignir sem aldrei fyrr. Og svo les maður á bloggsíðum Akureyringa að þeir fagni rigningu dagsins!

Athugasemdir

[Gerdur Janusdóttir (IP-tala skráð) 6.7.2007 kl. 09:33]

Sæl bæði. Ætlum að óska ykkur góðrar ferðar heim, siglandi og akandi.Bíðum síðan eftir að endurgjalda frábærar´móttokur í mars. Sumarkveðjur úr Kjarrheiðinni.  Gerður og Gylfi.

,Ps. Jónas minn, ekki gleyma pokanum mínum úr Stof og Stilþ Kveðja